DFI Wāhanga 4

                                 

What did I learn that increased my understanding of Manaiakalani kaupapa and Pedagogy?

Tōhatoha. Tākoha. Tuku iho.

Koinei ngā kupu ka matua i te reo Māori ka whakamahia mo te kupu 'Share'.

He mea nui, i te mea ko ngā kaipupuri mātauranga, koia ko ngā pakeke, ngā kuia, ngā koroua. Nō reira me pūmau te noho a te tamaiti ki te taha i ōnā pākeke, i ōnā kuia koroua, ka rūmakina i ngā kōrero ka utaina. E whakapono tonu ana te Māori me pēnei tonu te ako ia tātau anō, ā mā te āta mātaki, mā te āta whakarongo me te kōrero. Engari kua panonihia ngā āhuatanga akoranga i te ao kikokiko nei, kua wāia tātau ki te pene me te pepa, kua waia hoki tātau ki te ao matihiko i te mea koi wareware. Hoianō e whakapono ana au ki te whatau o runga ake hei take ako, ehara mā te hunga taiohi engari mā te katoa. 

                            

Pai ngā hua o te Puka Kūkara hei take hanga puka uiui, kēmu pātai, he whakahoki kōrero mā ngā akonga, he aha atu, he aha atu. He maha hoki ngā hua i te mea ka tāea ngā āhuatanga hei hanga uiui: hei tauira: Multi choice, short answer, paragraph, check boxes...etc. Kāre e kore, ka pēnei te āhua a o tātau aromatawai i te kura.

Mapu kūkara (kua wareware te whakamāoritanga).

Rawe tēnei! Ko taku mahara tuatahi, ka tāea te whakaatuhia te wāhi, te rohe, te taone e noho nei tātau ia tātau e hanga pepeha. Kia tāea ai ngā akonga te kite kei whea nei te pepeha e nōhia nei e aku hoa. Nā reira ka whakamihia tēnei taupānga. Kei raro iho nei he tauira:

Ahakoa nui ngā akoranga o roto, he nui ngā hua hoki. Mēnā koe he tangata e rata ana ki te tātari, ki ngā raraunga, a tēnā, koinei te taupānga mōu. Me waia au ki tēnei tūmomo taupānga i te mea he ngāwari ake te ara whāia i te tauira me ōnā mahi. He āhuatanga kitea i ōnā māka me ōnā raraunga whakamātautau pea. Nui te mahi me rāweketia e au, engari kei te kitea te hua!