What did I learn that increased my understanding of Manaiakalani kaupapa and pedagogy?
Ko te manu e kai ana i te miro nōnā te ngāhere, ko te manu e kai ana i te Mātauranga nōnā te ao.
E hāngai ana tēnei whakatauki ki te ngā mahi kua tutuki i te rangi nei. Ko tāku, he timotimo hāere i aku akoranga mai te wiki, ngā wiki kua pahure ake. Hoianō mā te ruku hōhonu ake ki ngā mahi ka mārama, ka waia hoki ngā mahi. Ehara tēnei i te mea kai pāraoa engari mā te mate ururoa e eke panuku. Mā te whātoro, mā te tūhono, mā te tohaina i ngā rauemi ā tēnā ki tēnā e whaihua ā tātau mahi. Nō reira ka mihi ki taku mirumiru Māori me ā koutou rauemi, kupu akiaki hoki. He nui ngā akoranga i puta i ahau, kei raro iho nei ngā whakamārama;
Paetukutuku
Kātahi nā te taupānga ko tēnei! Ahakoa ihu hūpe au ki tēnei tumomo mahi, he āta rawekengia te mahi e pakari ai taku mōhiotanga. E hika kua waiho māku, hei hanga i te paetukutuku mō te Tari Māori inā hoki te ihu hūpe ōku hoa kaimahi. Nā reira he nui ngā mahi kei mua i te aroaro, ā, mā te pakaru rawa o ūpoko.
He maringa nui ki tōku mirumiru Māori kua whāngaia, kua tohaina a rātau rauemi ki ahau hei tīmatanga, hei whai whakaaro ki te whakatakotoranga me ngā pānui o roto. Ko te whāinga matua mōku i te wā nei, he whakatika i te whārangi kainga, kia kauaka e mātotoru ngā kupu me ngā pikitia. Kia whakangāwari ake te āhua, kia mārama ngā akonga kei whea te aha. ka mutu he noho tahi me ōku hoa mahi i roto i te tari Māori ki te wānanga ngā kaupapa hei urutomo atu ki tā tātau paetukutuku.
